युनिकविरुद्ध बिएफसीको फराकिलो जित


शेयर गर्नुहोस्

राजन दिल गुरुङ्ग , पौष २९ चितवन।

सेन्ट्रल कलेज चितवन जिल्ला ए डिभिजन लिगमा केबिए ग्लोबल भरतपुर फुटबल क्लब (बिएफसी) ले फराकिलो जित हात पारेको छ । लिग अन्तर्गत आज (बिहीबार) भएको चौथो चरणको पहिलो खेलमा बिएफसीले नारायणी मोटर्स युनिक क्लब बसेनीलाई ६-० ले पराजित गरेको हो । जारी लिगमा बिएफसीको यो चौथो जित हो । बिएफसीलाई फराकिलो जित दिलाउन नुरल राना मगर र राज भुसालले समान २-२ गोल गरे । सन्दीप सेन्चुरी र सुमन आले मगरले एक-एक गोल थपे । पहिलो हाफमा एक गोल गरेको बिएफसीले दोस्रो हाफमा ५ गोल थप्यो । खेलको १६ औं मिनेटमा सन्दीप सेन्चुरीले गोल गर्दै बिएफसीलाई सुरुवाती अग्रता दिलाएका थिए । ४५ औं मिनेटमा नुरल रानाले गोल गर्दै बिएफसीको अग्रता दोब्बर बनाए । ५४ औं मिनेटमा सुमन आलेले गोल गर्दै बिएफसीलाई ३-० को अग्रता दिलाए । ६० औं मिनेटमा नुरलले व्यक्तिगत दोस्रो तथा टिमका लागि चौथो गोल गरे । राज भुसालले ६९ र ७१ औं मिनेटमा दुई गोल गरेपछि बिएफसी ६-० ले बिजयी भयो । खेलको म्यान अफ दि म्याच बिएफसीका नुरल चुनिए । जितसँगै बिएफसीले ४ खेलबाट १२ अंक बनाएको छ । लिगमा ४ खेल खेलेको बिएफसीले चारै खेलमा जित हात पारेको छ । यससँगै बिएफसीको सेमिफाइनलमा स्थान लगभग पक्का भएको छ।

चितवन जिल्ला फुटबल संघको आयोजनामा भरतपुर ७ कृष्णपुरस्थित रंगशालामा जारी लिगमा १३ टोली सहभागि छन् ।


Like it? Share with your friends!